Friday, 25 November 2011

Nunga Massai Humurang be Hasadaan ni Halak Batak


Nunga mansai humurang be hasadaaon di halak batak
By: sandi suroyoco sinambela

Sanggar nagantung diatasni simartolu
dang aha be nasodung ditaon hita na mangolu
Sada hata pamungka lao patujolo saarita na naeng sibaenonku tu angka dongan batak
HORAS........!!!!....
            Hasadaon ni halak tarida do tu angka saluhut suku, nang dohot pulau pe, pangangkuion ni halak Jawa, didok holan dua do suku di Indonesia ima suku batak dohot suku non batak. Lapatanna didia pe mansai torop do halak batak i. Jala Hasadaon i do na mambaen hataridaan ni halak batak. Boasa ma ingkon hata hasadaon na husaritahon di surat hon? Ima ala mansai malungun rohakku marpungu sude halak batak na dipangarantoan. molo taingot tu sejarah penjajahan Nippon dohot Belanda nang songoni inggris, boi kaluar sian tano batak ala sada roha do, marsada  dohot aceh, padang. Alai nuaeng sipasahaton ku tu dongan dongan, boasa ma nunga mulai ta pamago tradisi i. Hape sada alat do di hita molo rap hita marsiurup-urupan asa rap sukses be hita di bidang ta masing masing. pamerenganku godang halak hita na mambuat dalan sahalakna, dang di parrohahon be donganna halak batak. Alani i molo tung pe songoni ingkon tong ma hita hian masipasingotan. si naung balga ma mamodai na metmet ihot mai pasingothon. Ni durung siburincak Laos dapot pora-pora, Unang jolo hona insak asa paubahon roha, ingkon ingot do hita tu angka nadenggan jala unang ma nean marulak-ulak akka na suhar taulaon. Hita nadi pangarantoan ai sipata mansai godang do parungkilon na ro tuhita gabe manutup simalolongta nang songoni dohot rohanta laos mangulahon naso denggan. Di baheni dang ingkon jolo hona incak asa paubahon roha taingot ma poda ni natua-tua jala taulahon. Unang ma dua songon daion ni tuak, na alang paet alang sapot, lapatan na molo ngataulahon tanunuti ma dongan! Asa hasea hita tu pudian ni ari. Hata parpudi na naeng sidohononku tu angka dongan ia pauk pauk hudali pago-pago tarugi, na salpu taulahi na sala tapauli, mansai godang do ta ulahon nasala, ta padenggan mai unang olo hita gusop tu godung nasarupa, molo adong dope na salpu naso taulahon, taulahon ma muse dohot denggan. Mauliate ma dihita saluhutna.
Horas!!!!! Horas!!!!horas!!!! 


                        
Post a Comment